Երեւանում հեչ բան չկա՞. Շիրակի մարզպետը` հանցավոր կլանների մասին

Շիրակի մարզպետ Ֆելիքս Ցոլակյանը չի կարծում, որ Շիրակն ամենակրիմինալ մարզն է: ԱԺ-ում լրագրողների հետ զրույցում նա խորհուրդ տվեց վիչակագրությունը նայել, համեմատություն անել` տեսնելու համար, թե որտեղ որքան է կրիմինալ ասվածը:

Լրագրողների դիտարկմանը, թե Շիրակի մարզում կլաններ կոչվածները շատ են, Ցոլակյանն արձագանքեց. «Երեւանից էլ շա՞տ, Երեւանում հեչ բան չկա՞»: Մարզպետը հայտարարեց, որ մարզեր կան, ուր հանցագործության տոկոսն ավելի բարձր է:

Անդրադառնալով գազի գնի բարձրացմանը, մասնավորապես` այն բանին, որ դա կարող է նպաստել արտագաղթի մեծացմանը, մարզպետը նշեց. «Ամեն վատ երեւույթ իր ազդեցությունն անպայման թողնում է, էլ չշարունակեմ»:

Ի դեպ, Շիրակի մարզպետը տեղյակ չէր Գյումրիի նախկին քաղաքապետ Վարդան Ղուկասյանի դեմ հարուցված քրեական գործից: