Հետևելով Թուրքիայի` բերանը փակելու քաղաքականությանը

Ամերիկայի Հայ դատի հանձնախումբը հաղորդագրություն է տարածել ԱՄՆ նախագահ Բարաք Օբամայի՝ Հայոց ցեղասպանության տարելիցի կապակցությամբ արված ուղերձի վերաբերյալ, որում նախագահը դարձյալ խուսափել է «ցեղասպանություն» բառից:

«Ցավոք, Օբաման Հայոց ցեղասպանությունը հիշատակելու և դատապարտելու հարցում դարձյալ նախընտրեց հետևել Թուրքիայի` բերանը փակելու  քաղաքականությանը: Թուրքական ճնշման տակ Օբաման բացեիբաց հետ է կանգնում Ցեղասպանությունը ճանաչելու խոստումից, որը նա տվել էր դեռ սենատոր եղած ժամանակ: Թուրքիայի ժխտողական այս քաղաքականությունը, որին հետևում է նաև Օբաման, չի կարող խոչընդոտել անպատիժ մնացած հանցագործության միջազգային ճանաչմանն ուղղված ջանքերին»,- մասնավորապես գրված է հաղորդագրության մեջ: