Թուրքիան ապագայում կմիանա եվրոյի գոտուն

Թուրքիան կարող է եվրոյի գոտուն միանալու ցանկություն հայտնել, սակայն միայն այն բանից հետո, երբ գործուն մեխանիզմներ ստեղծվեն. ըստ Regnum-ի` հայտարարել է երկրի փոխվարչապետ Ալի Բաբաջանը:

«Երբ եվրոյի գոտին դառնա կատարյալ եւ լուրջ մեխանիզմ, Թուրքիան հնարավոր է` ապագայում ցանկություն հայտնի միանալ դրան»,- ասել է նա Bertelsmann հիմնադրամի եւ Financial Times թերթի կազմակերպած` «Եվրոյի գոտի. ավարտվե՞լ է, արդոք, ճգնաժամը» քննարկման ժամանակ:

Ընդգծելով եվրոյի գոտու առկա հիմնախնդիրները` Բաբաջանը նշել է, որ այն կարող է գործունակ դառնալ, երբ ստեղծվեն պարզորոշ կանոններ ու որոշումների իրականացման համապատասխան մեխանիզմներ: