Մուշարաֆին թույլ չեն տվել մասնակցել ընտրություններին

Պակիստանի դատարանը թույլ չի տվել երկրի նախկին նախագահ Փերվեզ Մուշարաֆին մի քանի տարվա ինքնակամ աքսորից հետո մասնակցել մայիսի 11-ին նշանակված ընդհանուր ընտրություններին. հայտնում է Лента.ру-ն: Մուշարաֆի փաստաբանը մտադիր է բողոքարկել դատարանի որոշումը:

Հիշեցնենք, որ Մուշարաֆը 2008-ին նախագահի պաշտոնը լքելուց հետո առաջին անգամ մարտի 24-ին էր ժամանել Կարաչի` ընտրություններին մասնակցելու նպատակով: Պակիստանյան Սինդ նահանգի գերագույն դատարանը Մուշարաֆին հնարավորություն էր տվել գրավ մուծել և Պակիստան վերադառնալու դեպքում այդպիսով  խուսափել ձերբակալությունից: Մուշարաֆը մեղադրվում է 2007 թ. նախկին վարչապետ Բենազիր Բհուտոյի սպանության, ինչպես նաև 2007 թ. երկրում արտակարգ դրություն հայտարարելու ընթացքում Գերագույն դատարանի դատավորներին ձերբակալելու մեջ: