Մալայզիայի խորհրդարանական ընտրությունները` մայիսի 5-ին

Արտահերթ խորհրդարանական ընտրությունները Մալայզիայում կկայանան մայիսի 5-ին. հայտնում է France-Presse-ը: Հայտերի ընդունման վերջին օրը ապրիլի 20-ն է, որից հետո կմեկնարկի նախընտրական քարոզարշավը, որը կտևի երկու շաբաթ:

Սոցհարցումների համաձայն` ներկայումս առաջատար է համարվում է «Ազգային ճակատը», որը ղեկավարում է երկրի վարչապետ Նաջիբ Ռազակը:

Հիշեցնենք, որ Մալայզիայի վարչապետ Նաջիբ Ռազակը  ապրիլի 2-ին հայտարարել էր երկրի խորհրդարանը ցրելու մասին: Վարչապետը հեռուստաելույթի ժամանակ ասել էր, որ նման որոշում է կայացրել թագավորի հետ ունեցած զրույցից հետո և խորհուրդ է տվել համաքաղաքացիներին չվտանգել երեխաների ու Մալազիայի ապագան եւ քվեարկել իշխող ուժերի օգտին: