Հրաչ Մուրադյանի սպանության գործով ձերբակալվածները ՀՀԿ-ական եղբայրներ են

Yerkir.am-ի տեղեկություններով` Պռոշյանի ՀՅԴ-ական գյուղապետ Հրաչ Մուրադյանի սպանության կասկածանքով ձերբակալվածները նույն գյուղի բնակիչներ Արայիկ եւ Արտակ Պետրոսյաններն են: Մեր տեղեկություններով` նրանք եղբայրներ են, երկուսն էլ` Հանրապետական կուսակցության անդամ: Մեզ հայտնի դարձավ նաեւ, որ գյուղում եղբայրներն առանձնապես աչքի չեն ընկել, նրանցից մեկն էլ վարորդ է աշխատել:

Ձերբակալվածների մասին տեղեկատվությունը փորձեցինք պարզել ոստիկանության լրատվության եւ հասարակայնության հետ կապերի վարչության աշխատակից Արմեն Մալխասյանից, ով, սակայն, մեր հարցին ի պատասխան, շարունակ պնդում էր, որ հետեւենք ոստիկանության պաշտոնական կայքին: Հարկ է նշել, որ ոստիկանության կայքը մեծ ուշացմամբ է տեղեկատվություն տարածում: