Դեպարդիեն կարող է 2 տարով ազատազրկվել

Ժերար Դեպարդիեն ապրիլի 5-ին պետք է ներկայանա Փարիզի դատարան ոչ սթափ վիճակում սկուտեր վարելու համար. տեղեկացնում  է Russia Today-ը:

Ի սկզբանե դատական նիստը նշանակված է եղել 2012-ի դեկտեմբերի 13-ին, սակայն Դեպրադիեի խնդրանքով հետաձգվել է հունվարին: Եվ քանի որ այդ անգամ էլ դերասանը չի ներկայացել Փարիզի արդարադատության պալատ, գործն ուղարկվել է ուղղիչ դատարան: Դեպարդիեի` նիստը նորից հետաձգելու մասին միջնորդությունը մերժվել է:

Դերասանը կարող է մինչև երկու տարվա ազատազրկման և 4.5 հազար եվրո տուգանքի դատապարտվել:

Անցած տարվա նոյեմբերին Դեպարդիեն Փարիզի կենտրոնում սկուտերով վթարի էր ենթարկվել: Ոստիկանները հայտնաբերել էին, որ դերասանը սթափ վիճակում չէր եղել: