Ուրախ ծնունդ, տխուր ընտրություն

Այսօր նախագահի նախկին թեկնածու Արամ Հարությունյանի ծննդյան օրն է: Yerkir.am-ի հետ զրույցում Հարությունյանը հայտարարեց, որ ծննդյան ուրախ օրն անցնում տխուր ընտրությունների ֆոնին: Նա վստահ է, որ «ինչ թիվ ուզեն, այն էլ կնկարեն», մանավանդ, որ, բացի Սերժ Սարգսյանից, մյուս թեկնածուները շատ ընտրատեղամասերում վստահված անձինք չունեն:

Նախագահի նախկին թեկնածուն համարում է, որ առաջին հորիզոնականում կլինի` Սերժ Սարգսյանը, երկրորդը` Րաֆֆի Հովհաննիսյանը, երրորդը` Հրանտ Բագրատյանը, չորրորդը` Պարույր Հայրիկյանը: Մյուս երեք թեկնածուները` Արման Մելիքյանը, Անդրիաս Ղուկասյանն ու Վարդան Սեդրակյանը, ըստ Հարությունյանի, մեկ տոկոս ձայն էլ չեն հավաքի:

Նրա խոսքերով` նման տխուր ընտրություններ եղել են միայն խորհրդային տարիներին, բայց այն ժամանակ էլ գոնե ներքին ինտրիգ կար, իսկ հիմա դա էլ չկա:

Արամ Հարությունյանը, ինչպես նաեւ նրա ընտանիքի անդամները ընտրության չեն գնացել: