Տեղի կունենա Հայկ Դեմոյանի գրքի շնորհանդեսը

Փետրվարի 16-ին «Անի պլազայում» տեղի կունենա Հայկ Դեմոյանի «Հայկական ազգային խորհրդանշաններ» գրքի շնորհանդեսը:

«Հայկական ազգային խորհրդանշաններ» պատկերազարդ հատորում ընդգրկված է շուրջ 1300 լուսանկար, որոնք ներկայացնում են հայկական զինանշանների, դրոշների, ազգային խորհրդանշանների ու պարգևների պատմությունը` հնագույն ժամանակներից մինչև մեր օրերը:

476 էջ ծավալով  հատորը լույս է տեսել «Փյունիկ» բարեգործական հիմնադրամի աջակցությամբ:

Շնորհանդեսի ժամանակ տեղի է ունենալու գրքի վաճառք` բարեգործական նպատակներով, իսկ ստացված հասույթը տրամադրվելու է սիրիահայերին օգնություն տրամադրող հիմնադրամին: