Իվանիշվիլիին ցանկանում են վերացնե՞լ

Վրաստանի կառավարությունը տեղեկատվություն չունի վարչապետ Բիձինա Իվանիշվիլիի դեմ կազմակերպվող մահափորձի մասին. հաղորդել է կառավարության մամուլի ծառայությունը` մեկնաբանելով այսօր ռուսաստանյան մի շարք լրատվամիջոցներով տարածված լուրը, թե, Վրաստանի տեղեկտվական-հետախուզական բյուրոյի նախկին ղեկավար Իրակլի Բատիաշվիլիի տվյալներով` մի խումբ նախկին պաշտոնյաներ, այդ թվում` ուժային կառույցներից,  որոշել են վերացնել Իվանիշվիլիին:

«Մենք ոչ մի նման բան չենք լսել` ո'չ նախկինում, ո'չ հիմա: Կարծում ենք, ավելի լավ է հարցնել անձամբ Բատիաշվիլիին, նա ավելի շատ կիմանա, քան մենք»,- ասել են մամուլի ծառայությունից:

Վրաստանի ՆԳՆ-ն տեղեկությունը դեռեւս չի մեկնաբանել. հայտնում է РИА Новости-ն: