Մայրերը հանդիպեցին իրենց զինվոր որդիների հետ

Երևանի քաղաքապետ Տարոն Մարգարյանի նախաձեռնությամբ` ավելի քան 300 երևանցի ժամկետային զինծառայողների ծնողներ հունվարի 27-ի ուշ երեկոյան մեկնել են ԼՂՀ, Սյունիքի և Տավուշի մարզեր՝ Հայոց բանակի օրն իրենց որդիների հետ նշելու:

Նախաձեռնությունը, հիրավի, հաճելի անակնկալ էր թե' զինվորների և թե' նրանց ծնողների համար:

Ծնողները հենց տեղում հնարավորություն են ստացել անձամբ ծանոթանալու իրենց զավակների ծառայության պայմաններին, իսկ զինվորական ճաշարանում, ճաշելով զինվորների հետ, նաև համոզվել են, որ իրենց զավակների սննդի հարցը ևս կազմակերպված է հավուր պատշաճի:

Տոնի առիթով բոլոր զորամասերում կազմակերպվել էին հանդիսավոր արարողություններ և տոնական համերգներ: Բոլոր զորամասերին Երևանի քաղաքապետարանի կողմից նվիրվել են երաժշտական գործիքներ: