Թուրքիան կարող է զգալիորեն փոխել Եվրոպայի ճակատագիրը. Էգեմեն Բաղըշ

Թուրքիան կարող է իր վրա վերցնել եվրոյի գոտու ճգնաժամի կարգավորման ծախսերի մի մասը. հայտարարել է ԵՄ անդամակցության հարցերով պետնախարար Էգեմեն Բաղըշը:

Ըստ թուրքական TRT հեռուստաընկերության` Ստոկհոլմի համալսարանում «ԵՄ-ի եւ Թուրքիայի միջեւ հարաբերությունների ապագան» թեմայով դասախության ժամանակ թուրք պետնախարարը նշել է, որ Եվրամիությունն իր պատմության ամենալուրջ ճգնաժամն է ապրում, որը ոչ միայն տնտեսական, այլեւ քաղաքական կողմ ունի: Ընդ որում` Բաղըշը համաձայնել է մի շարք փորձագետների հետ, որոնք ճգնաժամի առաջացման պատճառ են համարում եվրոպացիների անվստահությունը եվրաինտեգրման նախագծի նկատմամբ:

«Նոր անդամ երկրները, ցուցադրելով աճի բարձր ցուցանիշներ, կարող են նպաստել այն բանին, որ Եվամիությունը գլոբալ համակարգում ավելի կարեւոր տեղ զբաղեցնի: Թուրքիան կարող է զգալիորեն փոխել Եվրոպայի ճակատագիրը»,- հայտարարել է Բաղըշը` հավելեով, որ թուրքական տնտեսությունը ամենամեծ աճ արձանագրող տնտեսությունն է, համեմատած եվրոպականների հետ