Չինաստանում ձերբակալվում են ''Աշխարհի վերջի'' քարոզիչները

Չինաստանի ոստիկանությունը շարունակում է իրեն քրիստոնյա հայտարարած` արգելված «Ամենակարող Աստծո եկեղեցի» աղանդի անդամների ձերբակալությունները, որոնք լուրեր են տարածում աշխարհի կործանման անխուսափելիության մասին. հաղորդում է Utro.ru-ն: Ըստ չինական ԶԼՄ-ների` ձերբակալվածների թիվը հասել է գրեթե հազարի:

Պեկինում ոստիկանությունը համացանցում տեղադրել է տեղեկատվություն այն մասին, որ, այսպես կոչված, «աշխարհի վերջը», որը պետք է լինի դեկտեմբերի 21-ին, ոչ այլ ինչ է, եթե ոչ սովորական խոսակցություն:

«Ամենակարող Աստծո եկեղեցի» աղանդը Չինաստանում հիմնադրվել է 90-ականներին: Դրա անդամները քարոզում են, որ իր երկրորդ գալստյան ժամանակ Քրիստոսը պետք է հայտնվի չինուհու կերպարով: