Սերգեյ Սմբատյանը ելույթ կունենա Crescendo երաժշտական փառատոնին

Հայաստանի պետական երիտասարդական նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը այս օրերին Կեմերովոյում անցկացվող Crescendo երաժշտական փառատոնին ելույթ կունենա` որպես դիրիժոր:

Նվագախմբի մամուլի ծառայությունից yerkir.am-ին տեղեկացրին, որ նվագախմբի դիրիժորներն են նաև Ռուսաստանի վաստակավոր արտիստ Յուրի Տկաչենկոն և միջազգային մրցույթների դափնեկիր Տաո Լինը:

Երիտասարդ աստղերի մասնակցությամբ վեց համերգ տեղի կունենա: Կուզբասում անցկացվող Crescendo փառատոնի ծրագիրը, բացի դասական երաժշտության համերգներից, ներառում է նաև կամերային համերգ:

Երիտասարդ կատարողների փառատոնի կազմակերպման գաղափարը ներկայացրել է հայտնի ռուս պրոդյուսեր, Ռուսաստանի արվեստի վաստակավոր գործիչ, պրոֆեսոր Դավիթ Սմելյանսկին: