Ջոտտոյի որմնանկարում վերանորոգողները հայտնաբերել են սատանայի պատկերը

Սբ Ֆրանցիսկ Ասիզացու բազիլիկում աշխատող վերանորոգողները Ջոտտոյի որմնանկարում հայտնաբերել են սատանայի պատկերը:

Reuters-ը տեղեկացնում է, որ վերանորոգողների խմբի ղեկավար Սերխիո Ֆուսետին հայտնել է, որ սատանայի պատկերը որմնանկարի այն հատվածում է, որտեղ ներկայացված է Սբ Ֆրանցիսկի կյանքը:

Վերականգնողի կարծիքով` Ջոտտոն հավանաբար ցանկացել է կատակել, սակայն նա սատանայի կերպարը պատկերել է այնպես, որ այն աննկատ մնա:

Բազիլիկը, որտեղ հանգչում են Սբ Ֆրանցիսկի մասունքները, կառուցվել է 12-րդ դարում եւ զարդարված է Ջոտտոյի ու նրա աշակերտների 28 որմնանկարներով: Այն ընդգրկված է ՅՈՒՆԵՍԿՕ-ի համաշխարհային ժառանգության ցուցակում, որը 1997 թ. երկրաշարժի հետեւանքով դարձել էր վթարային եւ վերանորոգման կարիք ուներ: