Հրդեհից փրկված երեխան մահացել է շտապօգնության մեքենայում

Մոսկվայի հարավարեւելյան շրջանի բնակարաններից մեկում բռնկված հրդեհի հետեւանքով երեք մարդ է մահացել, որոնցից մեկը երեխա է: Նրան դուրս էին բերել կրակներից, սակայն նա մահացել է շտապօգնության մեքենայում. երեխան հրդեհի ժամանակ ծանր թունավորվել էր շմոլ գազից:

Ավելի վաղ արտակարգ իրավիճակների նախարարության մամուլի խոսնակը հայտնել է, թե հրդեհից կարողացել են փրկել յոթ հոգու, այդ թվում` նաեւ երեխային, ում ծանր վիճակով տեղափոխել են հիվանդանոց:

Նշվում է, որ հրդեհը բռնկվել է գիշերը` Կուզմինկա շրջանի շենքերից մեկի ութերորդ հարկի երեք սենյականոց բնակարաններից մեկում: Հրդեհի պատճառը եղել է ոչ սթափ վիճակում անկողնում պառկած ծխելը: