Հաագայի դատարանը բանակցություններ է վարում Կադաֆիի որդու հետ

Հաագայի միջազգային քրեական դատարանի գլխավոր դատախազ Լուիս Մորենո Օկամպոն միջնորդների միջոցով կապվել է Մուամար Կադաֆիի որդի Սեիֆ ալ Իսլամի հետ եւ նրա ինքնակամ հանձնվելու վերաբերյալ բանակցություններ վարել. հաղորդում է Associated Press լրատվական գործակալությունը:

Օկամպոն հայտնել է, որ չգիտի, թե ներկա պահին որտեղ է գտնվում Կադաֆիի որդին, սակայն մինչ այդ միջազգային լրատվամիջոցները տեղեկացրել էին, թե Սեիֆ ալ Իսլամը հնարավոր է Նիգերից ուղեւորվել է Մալի:

Իսկ ավելի վաղ Լիբիայի Ազգային անցումային խորհուրդը (ԱԱԽ) հայտնել էր, որ նա մտադիր է ինքնակամ հանձնվել Հաագայի միջազգային քրեական դատարանին եւ դրա համար հնարավորություն է փնտրում: