Ծաղկավանում ակտիվացել է սողանքը

Այսօր` ժամը 14.42-ին, Ծաղկավանի գյուղապետ Ն. Աթաբեկյանը դիմել է Տավուշի փրկարարական վարչություն, եւ հայտնել, որ գյուղի կենտրոնական հատվածում ակտիվացել են սողանքային երեւույթներ, որոնք սպառնում են փակել գյուղամիջյան ճանապարհը:

Անմիջապես դեպքի վայր է մեկնել Տավուշի փրկարարական վարչության օպերատիվ խումբը: Հայաստանի ԱԻՆ փրկարար ծառայությունից yerkir.am-ին հայտնում են, որ տեղում կատարված ուսումնասիրության արդյունքում պարզվել է, որ քանդվել է ճանապարհի 30 գծամետր երկարությամբ ձախակողմյան կողնակը եւ երթեւեկելի մասի գրեթե կեսը, ճանապարհը դարձել է միակողմանի երթեւեկելի:

Ճանապարհի հետագա շահագործումը խիստ վտանգավոր է: