Այսօր կվերաբացվի Դիարբեքիրի հայկական եկեղեցին

Այսօր կվերաբացվի Դիարբեքիրի վերանորոգված հայկական եկեղեցին` Սուրբ Կիրակոսը, իսկ վաղը` 30 տարվա ընդմիջումից հետո, այնտեղ տեղի կունենա առաջին պատարագը:

Բացման արարողությանը նաեւ տոնակատարություն էր նախատեսվում` երգ ու պարով: Սակայն ՔԲԿ-ի կողմից իրականացված եւ 25 թուրք զինվորի ու ոստիկանի մահվան պատճառ դարձած ահաբեկչական գործողության պատճառով տոնակատարությունը չեղյալ է հայտարարվել:

Թուրքական «Ռադիկալ»-ի հետ զրույցում Պոլսո Հայոց պատրիարքի փոխանորդ Արամ արքեպիսկոպոս Աթեշյանը նշել է, որ վաղը նորաբաց եկեղեցում աղոթելու են նաեւ տարածաշրջանի խաղաղության եւ հաշտության համար:

«Ծնունդով դիարբեքիրցի Աթեշյանը տեղեկացրեց, որ բացմանը մասնակցելու համար հազարավոր հայեր են գալու Դիարբեքիր»,- գրում է թերթը: