Աստղաթափ է լինելու

Աստղագետները հայտնել են, որ այս օրերին մեր մոլորակն անցնում է Օրիոնիդ մետեորիտների հոսքի ուղեծրի գագաթնակետով:

Ինչպես հայտնում է Росбалт ռուսական կայքը, վկայակոչելով Iscience լրատվական կայքը, հոսքը, որն առաջացրել է Հալեյ գիսաստղը, առավելագույնին կհասնի հոկտեմբերի 21-22-ին:

Այսպես. հոկտեմբերի 22-ի գիշերը մետեորների քանակը կհասնի ժամում 25 հատի, եւ Օրիոնիդի հոսքը Երկրի բնակիչների համար պարզորոշ տեսանելի կլինի:

Ասղագետները նաեւ խորհուրդ են տալիս, որ ընկնող աստղերն ավելի լավ կարող են դիտել քաղաքային լույսերից հեռու` կեսգիշերին ժամը 1-ից 2-ն ընկած ժամանակահատվածում:

Աստղաթափը լինելու է պայծառ, իսկ լուսնի լույսը դրան չի կարող խանգարել: