Հույսներս ռուսաստանաբնակ հումորիստն է

ԵՊՀ արեւելագիտության ֆակուլտետի մագիստրատուրայում դասավանդելու են նոր առարկա` «Ադրբեջանի պատմության հիմնահարցեր»: Այս մասին yerkir.am-ի հետ զրույցում ասաց ԵՊՀ ուսանողների հետ աշխատանքների գծով բաժնի պետ, ադրբեջանագետ Միհրան Հակոբյանը:

«Փորձում ենք պատրաստել ադրբեջանագետների, քանի որ այսօր մենք Ադրբեջանի գծով խորացված ուսումնասիրություններ կատարող մասնագետներ չունենք: Այնինչ` Ադրբեջանն այն պետությունն է, որի հետ մենք կոնֆլիկտ ունենք: Հաշվի առնելով, որ Բաքվի պետհամալսարանում հայագիտության ամբիոն կա` ժամանակն է, որ մենք էլ նորմալ ադրբեջանագետ մասնագետներ ունենանք»,- ասաց Մ. Հակոբյանը:

Նա հավելեց նաեւ, որ իր ճանաչած միակ հայը, ով ներկայումս կարող է ադրբեջաներեն դասավանդել բուհում, ռուսաստանաբնակ հումորիստ Կարեն Ավանեսյանն է: