Գործարարի սպանությունը բացահայտվել է

Օգոստոսի 2-ին Զաքյան փողոցի թիվ 4 շենքի հարակից տարածքում Ռուսաստանի Տուապսե քաղաքի բնակիչ, 46-ամյա գործարար Խաչիկ Գալոյանի` հրազենով սպանության գործով կասկածյալ է ձերբակալվել:

Ոստիկանության տեղեկատվության եւ հասարակայնության հետ կապերի վարչության պետ Աշոտ Ահարոնյանը հաստատեց, որ սպանությունը բացահայտվել է, արդեն կա ձերբակալված անձ:

Օրեր առաջ ոստիկանապետ Ալիկ Սարգսյանը լրագրողներին ասել էր, որ դեպքի մանրամասները տանում են ՌԴ: Ըստ որոշ տեղեկությունների` սպանությունը կատարվել է վրեժխնդրության հողի վրա: Բանն այն է, որ մեկ տարի առաջ սպանվել էր  ձերբակալվածի որդին, և կասկածներ կան որ այս երկու սպանությունները կապված են իրար հետ:

Ընթանում է քննություն: