Այց` "Սպայկա" ընկերություն

Վարչապետ Տիգրան Սարգսյանն այսօր այցելել է «Սպայկա» միջազգային բեռնափոխադրող ընկերություն, որն «Արարատֆրուտ» ապրանքանիշի ներքո իրականացնում է թարմ մրգի արտահանման ներդրումային ծրագիր:

Ինչպես տեղեկացնում է ՀՀ կառավարության տեղեկատվության եւ հասարակայնության հետ կապերի վարչությունը,  վարչապետը ծանոթացել է ընկերության տեխնիկական հնարավորություններին` գյուղմթերքը դեպի Եվրոպա և ԱՊՀ երկրներ բեռնափոխադրող բեռնատարների սառեցման, տեղորոշման և տեխնիկական այլ համակարգերի աշխատանքին, արտադրական հզորություններին` սառնարանային տնտեսությանը, գյուղատնտեսական մթերքի փաթեթավորման գործընթացին:

Շրջայցի ավարտին` Տ. Սարգսյանը հանդիպել է «Սպայկա» ընկերությանը գյուղատնտեսական ապրանքներ մատակարարող ֆերմերների հետ, քննարկել նրանց հուզող խնդիրները: