Ուկրաինական ֆուտբոլը տոնում է իր 117-րդ տարեդարձը

117 տարի առաջ հուլիսի 14-ին Ուկրաինայում կայացավ առաջին ֆուտբոլային հանդիպումը: 

Միմյանց հետ ուժերը չափեցին «Լվովն» ու «Խարկովը»:

Այդ խաղից անցել են շատ տարիներ և' ուկրաինական ֆուտբոլային ակումբները, և' ֆուտբոլիստները մեկ անգամ չէ, որ իրենց անուններն են գրել համաշխարհային ֆուտբոլի էջերում:

Ուկրաինական ֆուտբոլի աստղերից են Վալերի Լոբոնովսկին, Օլեգ Բլոխինը, Անդրեյ Շեւչենկոն...

Ամենահանրահայտ ակումբը Կիևի «Դինամոն» է, սակայն վերջին տարիներին ակումբային ֆուտբոլում ավելի շատ փայլում է Դոնեցկի «Շախտյորը», որտեղ հանդես է գալիս հայազգի Հենրիխ Մխիթարյանը:

Ուկրաինական ֆուտբոլի հաջողություններից է այն, որ 2012 թվականի Եվրոպայի ֆուտբոլի առաջնությունը կհյուրընկալեն Ուկրաինան և Լեհաստանը: