Քաղաքացիական պատերազմ Կարաչիի փողոցներում. 65 զոհ

Պուշտունցի առաջնորդի սպանությունը Պակիստանի Կարաչի քաղաքում ազգամիջյան բռնությունների պատճառ է դարձել: Փողոցային մարտերին վերջին 4 օրվա ընթացքում զոհ է դարձել 65 մարդ, 150-ը վիրավոր են:

Զինված մոտոցիկլիստների ավազակախմբերը ահաբեկում են քաղաքի թաղամասերը: Բնակիչները փախչում են քաղաքից, սննդամթերքի պակաս է զգացվում:

Կարաչիում բնակվում է 18 մլն մարդ: Քաղաքը Ասիայի ֆինանսական եւ գործարար կենտրոններից է:

Սինդխ նահանգի նահանգապետը դիմել է քաղաքի բնակչությանը` հայտարարելով, որ հրաման է տվել առանց զգուշացման գնդակահարել գրոհայիններին: Կարաչի են մտցվել բանակի եւ ոստիկանության լրացուցիչ ստորաբաժանումներ:

Կարաչիում իշխանության համար պայքարում են փոքրամասնություն կազմող պուշտունները եւ ուրդուով շփվող մեծամասնությունը: