ՀԱԿ-ը Սերժ Սարգսյանի արձագանքին է սպասում

Մեկնաբանելով այսօր ՀՀԿ-ական մի շարք կարկառուն դեմքերի այն հայտարարությունները, թե իշխանությունը բացառում է քննարկման դնել արտահերթ ընտրություններ անցկացնելու հարցը, «Երկիր»-ի հետ զրույցում ՀԱԿ մամուլի խոսնակ Արման Մուսինյանն ասաց.

«Կոնգրեսի երեք պահանջների կատարումից հետո, ինչպեսեւ նախօրոք հայտարարել էինք, մենք պատրաստակամություն ենք հայտնել գործող իշխանությունների հետ երկխոսություն սկսել: Ավելին, մենք արել ենք հաջորդ քայլը, ձեւավորել ենք պատվիրակություն` երկխոսություն վարելու համար: Երբ գործող իշխանությունը` ի դեմս Սերժ Սարգսյանի կամ նրա կողմից լիազորված անձի, կարձագանքի, այն ժամանակ կխոսենք: Ձեր նշած հայտարարությունները մենք չենք համարում գործող իշխանության պաշտոնական դիրքորոշում»։