Հայաստանում ԱՄՆ դեսպանի թեկնածուն Ջոն Հեֆըրնն է

ԱՄՆ նախագահ Բարաք Օբաման Հայաստանում ԱՄՆ դեսպանի պաշտոնում առաջադրել է Ջոն Հեֆըրնի թեկնածությունը, որը ներկայումս զբաղեցնում է ՆԱՏՕ-ում ամերիկյան առաքելության ղեկավարի տեղակալի պաշտոնը. տեղեկացնում է «Ասպարեզը»:

Իր դիվանագիտական գործունեության ընթացքում Հեֆըրնը աշխատել է նաև Ինդոնեզիայում, Ճապոնիայում, Մալայզիայում, Քոթ դ'Իվուարում եւ Չինաստանում:

«Մենք ակնկալում ենք, որ Հեֆըրնը սկզբունքային դիրքորոշում կցուցաբերի Հայոց ցեղասպանության հարցում և կամրապնդի հայ-ամերիկյան հարաբերությունները: Դրանք են ամերիկահայ համայնքին հուզող հիմնական հարցերը»,- ասել է ՀՅԴ Ամերիկայի Հայ դատի հանձնախմբի գործադիր տնօրեն Արամ Համբարյանը:

Եթե Սենատը հաստատի Հեֆըրնի թեկնածությունը, նա կփոխարինի Մարի Յովանովիչին, որի դիվանագիտական առաքելությունը Հայաստանում ավարտվելու է այս տարվա հունիսին: