Կոոպերացիաների դերը պետք է հստակեցվի

Այսօր լրագրողների հետ հանդիպման ժամանակ անկախ փորձագետ, տնտեսագետ Արսեն Պետրոսյանը  խոսեց կոոպերացիաների դերի հստակեցման կարեւության մասին: Ինքնին կոոպերացիայի գաղափարը շատ կարեւոր է, սակայն մեզ մոտ դրա ընկալումները որոշակիորեն խեղաթյուրվել են:

Բանն այն է, որ ներկայումս կոոպերացիաների եւ գյուղացիների գործունեությունը համակարգող ու պաշտպանող որեւէ կառույց չկա, ինչի պատճառով էլ, ըստ փորձագետի, կառավարության որոշումներն ունենում են նվազագույն արդյունավետություն:

Այնինչ` քաղաքակիրթ երկրներում ստեղծվում են հասարակական կազմակերպություններ, կոոպերատիվներ, որպեսզի գյուղացին կարողանա իր արտադրությունը առավել կազամակերպված իրականացնել:

Ներկայումս կոոպերացիաներ են ձեւավորում հիմնականում արդեն աղքատության շեմին հասած գյուղացիները, ինչը, ենթադրում է, որ միավորումն այդքան էլ շահութաբեր չի լինի: