ԱԶԳ. Հայաստանի եւ Ադրբեջանի ռազմական ծախսերը` միջազգային զեկույցում

Ստոկհոլմի խաղաղության միջազգային հետազոտությունների ինստիտուտը հրապարակել է զեկույց աշխարհի պետությունների 2010թ. ռազմական ծախսերի վերաբերյալ: Զեկույցի համաձայն՝ Հայաստանի պաշտպանական ծախսերը 2010թ. 404 մլն դոլար են կազմել, որը 45 մլն դոլարով ավելի է 2009-ի ծախսերից, իսկ ՀՆԱ-ում ռազմական ծախսերի չափաբաժինը կազմել է 4,2%: Ադրբեջանի ռազմական ծախսերը նախորդ տարի կազմել են 1,421 մլրդ դոլար, 52 մլն-ով պակաս 2009-ի ծախսերից: Վրաստանի ռազմական ծախսերը 2010թ. կազմել են 452 մլն դոլար` 2009-ի 604 մլն դոլարի դիմաց: Ամենառազմականացված երկիրը շարունակում է մնալ ԱՄՆ-ը: Ցուցակի երկրորդ տեղում Չինաստանն է, հաջորդում են Մեծ Բրիտանիան, Ֆրանսիան, Ռուսաստանը: