10 հազար դոլար` լեզվով տեսնելու համար

Ամերիկյան ընկերություններից մեկը լեզվով տեսնելու սարք է ստեղծել` «Բրայըն Պորտը»: Այն տեղադրվում է լեզվի վրա եւ ազդանշանը իմպուլսի է վերածում. գրում է Fox News-ը:

Սարքը նախատեսված է կույրերի եւ վատ տեսողություն ունեցողների համար:

10 հազար դոլարանոց «Բրայըն Պորտն» ունի ոչ մեծ թվային տեսախցիկ, որը տեղադրվում է լեզվի վրա: Թույլ հոսանքը լեզվի վրա նկարում է այն առարկաների պատկերները, որոնք ֆիքսում է տեսախցիկը, ապա ազդանշանը վերածվում է էլեկտրոնային իմպուլսի:

Մասնագետները վկայում են, որ ուղեղը շատ արագ վարժվում է ընկալել լեզվից եկած ինֆորմացիան` որպես յուրահատուկ մտապատկերներ:

Կույր կամավորները, կիրառելով սարքը, սովորել են դրա օգնությամբ տեղաշարժվել, սնվել, անգամ զանազանել տառեր ու թվեր: