Խաղաղ կարգավորումն այլընտրանք չունի

Հայաստանի դիրքորոշումը համահունչ է ԵԱՀԿ շրջանակներում Ղարաբաղյան կարգավորման վերաբերյալ արված բոլոր հայտարարություններին. այսօր ընդունելով Երեւան ժամանած ԵԱՀԿ գործող նախագահ, Լիտվայի արտգործնախարար Աուդրոնիուս Աժուբալիսին` հայտարարել է Հայաստանի արտգործնախարար Էդվարդ Նալբանդյանը:

ԵԱՀԿ գործող նախագահ Աժուբալիսը ներկայացրել է լիտվական նախագահության առաջնահերթությունները եւ նախատեսվող քայլերը: Նա վերահաստատել իր աջակցությունը ԵԱՀԿ Մինսկի խմբի համանախագահների միջնորդական գործունեությանը, նրանց կողմից արված առաջարկություններին եւ կոչերին, մասնավորապես՝ շփման գծից դիպուկահարներին դուրս բերելու կոչին:

Երկուստեք շեշտվել է, որ Ղարաբաղյան հիմնախնդրի խաղաղ բանակցային կարգավորումն այլընտրանք չունի: Էդվարդ Նալբանդյանը եւ Աուդրոնիուս Աժուբալիսը հանգամանալից քննարկել են հակամարտության գոտում անվտանգության ամրապնդմանն առնչվող հարցեր. տեղեկացնում է ՀՀ ԱԳՆ մամուլի եւ տեղեկատվության վարչությունը: