Ֆրանսիան եւ Չինաստանը` ապօրինի խաղեր ներբեռնողներ

Ֆրանսիան, Իսպանիան, Իտալիան, Չինաստանը եւ Բրազիլիան այն երկրներն են, որտեղ ամենաշատն են անօրինական կերպով ներբեռնում եւ կրկնօրինակում համակարգչային խաղեր: Այս մասին հայտարարել է ամերիկյան Ժամանցային ծրագրերի ապահովման ասոցիացիան (ESA):

Տվյալները հավաքելու ժամանակ առաջին հերթին ուսումնասիրվել են օգտագործողների քայլերը տեղեկատվություն ներբեռնելու հնարավորություն տվող ցանցերում: Պարզվել է, որ նրանց  54 տոկոսը խաղերը ներբեռնում է հենց այդպիսի ցանցերից (հիմնականում հեղինակային իրավունքները չեն պաշտպանվում):

Ինչպես նշում է ESA-ը, 2010 թվականին օգտագործողները ներբեռնել են 144 միլիոն խաղ, որոնցից 78 միլիոնը` Ֆրանսիայի, Իսպանիայի, Իտալիայի, Չինաստանի եւ Բրազիլիայի բնակիչները:

Ամենաշատ ապօրինի ապրանք օգտագործողներ են համարվել Կանադան եւ Չինաստանը: