Համաշխարհային բանկի սխալը

Համաշխարհային բանկի ինտերնետային կայքի «Հայաստան» բաժնում (www.worldbank.org.am) տեղադրված է ՀՀ-ի քարտեզ, որտեղ նկատելի են մի քանի սխալներ:

Նախ` ուրվագծված ՀՀ սահմաններում գրված չէ «Հայաստանի Հանրապետություն», միայն նշված է մայրաքաղաքի անունը: Այնինչ` հարեւան պետությունների անունները գրված են:

Երկրորդ հերթին` «Ադրբեջան» անունը գրված է Սյունքի մարզի լայնությամբ: Այս երկրի անվանման գրությունը սկսվում է Նախիջեւանից, վերջանում`  Լեռնային Ղարաբաղի Հանրապետության տարածքում:

Ի՞նչ կարող է սա նշանակել: Եթե նույնիսկ միտում չկա Սյունիքի մարզը Ադրբեջանի մեջ խցկելու, ապա նույնը չենք կարող ասել ԼՂՀ-ի մասին: Ինչու՞ է Լեռանային Ղարաբաղի Հանրապետությունը ներկայացված որպես Ադրբեջանի մաս, եթե փաստ է, որ ԼՂՀ-ն չի գտնվում այդ երկրի վերահսկողության ներքո եւ ինքնուրույն պետական միավոր է: