Ձյան պատճառով Էյֆելյան աշտարակը փակել են

Ֆրանսիայի՝ եղանակի տեսության ծառայությունը հաղորդել է, որ իր փարիզյան եղանակի կայաններից մեկը 11 սմ ձյուն է արձանագրել: Ֆրանսիայի մայրաքաղաքն այսպիսի մեկօրյա ձյան տեղումներ չի տեսել 1987 թվականից:

Չնայած որ Փարիզի մետրոն և երկաթուղային ցանցը երեկ նորմալ աշխատել են, Շարլ դը Գոլ օդանավակայանը օրվա կեսը փակ է եղել, մինչև որ հնարավոր է եղել թռիչքուղին մաքրել ձյունից, տեղեկացնում է BBC-ն:

Էյֆելյան աշտարակի աշխատողները որոշել են փակել հուշարձանը՝ այն պատճառով, որ ձյունը և սառույցը մաքրելու համար աղ չէր կարող օգտագործվել, քանի որ այն կարող էր վնասել երկաթը:

Իսկ կեսօրին ավտոբուսների աշխատանքը կազմակերպող «RATP» կազմակերպությունը հայտարարել է, որ ոչ մի ավտոբուս չի աշխատում քաղաքում: