«Գործը» կարվել է, իսկ վկա գոյություն չունի. «Փաստ»

«Փաստ» օրաթերթը գրում է.

Ինչպես հայտնի է, շինծու մեղադրանքով կալանավորված «ՀայաՔվե» նախաձեռնության համակարգող, հասարակական-քաղաքական գործիչ Ավետիք Չալաբյանի խափանման միջոցը տասն օր առաջ վերացվեց, և նա դատարանի դահլիճից ազատ արձակվեց: Ինչպես հայտնի է, նա մեղադրվում է իբր «մի խումբ անձանց ընտրելու իրավունքը խոչընդոտելու նախապատրաստության» համար:

Դատարանի կայացրած այս որոշման հետ կապված «Փաստին» ուշագրավ նոր մանրամասներ են հայտնի դարձել: Մեր ունեցած տեղեկություններով, խափանման միջոցի վերացման հիմքում ընկած է այն հանգամանքը, որ այս «գործով» պարզապես որևէ վկա գոյություն չունի: Իսկ եթե չկան վկաներ, ապա չի կարող Չալաբյանը որևէ մեկի վրա ազդել, խոչընդոտել քննությանը:

Մյուս կողմից՝ այն հանգամանքը, որ այս «գործով» նմուշի համար որևէ վկա չկա, ինքնին ևս մեկ անգամ ապացուցում է, որ շինծու, մտացածին «գործ» է կարվել, այսինքն՝ մեղադրանքը բացարձակ հիմնազուրկ է: