Կրասնոդարի երկրամասը ենթարկվել է ԱԹՍ-ների հարձակման․ հրդեհ է բռնկվել նավթավերամշակման գործարանում

Ուկրաինայի զինված ուժերի անօդաչու թռչող սարքերը հարձակվել են Կրասնոդարի երկրամասի վրա։

ԱԹՍ-ի բեկորների ընկնելու հետևանքով հրդեհ է բռնկվել Սլավյանսկ-նա-Կուբանիի նավթավերամշակման գործարանում։ Բեկորները վնասել են նաև էլեկտրահաղորդման գիծը, իսկ մասնավոր տներից մեկի պատուհանների ապակիները կոտրվել են։

Տարածաշրջանի օպերատիվ շտաբը հայտնել է, որ ԱԹՍ-ների հարձակման վտանգը շարունակում է պահպանվել Անապայում, Տուապսեի շրջանում և Կրասնոդարի երկրամասի Կրիմսկի շրջանում։

Անօդաչու թռչող սարքի բեկորները վնասել են Կրասնոարմեյսկի շրջանի Տրուդոբելիկովսկի խուտորի չորս մասնավոր տուն։ Միջադեպի հետևանքով մեկ մարդ տուժել է։

Տեսանյութն՝ այստեղ։