Երևան-Գյումրի ավտոճանապարհին՝ Փարպի համայնքի մոտակայքում, ավտոմեքենա է այրվել, կան տուժածներ։ Այս մասին հայտնում է ՀՀ ՆԳՆ փրկարար ծառայությունը՝ նշելով, որ ահազանգը ստացել են այսօր՝ ժամը 11։28-ին։
«Փարպի գյուղի մոտակայքում «Nissan» մակնիշի ավտոմեքենան դուրս է եկել ճանապարհի երթևեկելի գոտուց, հայտնվել դաշտամիջյան հատվածում և բռնկվել։ Ավտոմեքենայի վարորդը և ուղևորը տեղափոխվել են բժշկական կենտրոն»,- հայտնել են փրկարար ծառայությունից։
Հրդեհաշիջման աշխատանքներին մասնակցել է մեկ մարտական հաշվարկ. հրդեհը մեկուսացվել է ժամը 11։50-ին, մարվել՝ 11։55-ին։