Նույնիսկ ամենահզոր բանակը կարող է ջախջախիչ պարտություն կրել. Խամենեին՝ ԱՄՆ-ին

Իրանի գերագույն հոգևոր առաջնորդ Ալի Խամենեին ի պատասխան ԱՄՆ-ի սպառնալիքների հանդես է եկել կտրուկ հայտարարություններով՝ ընդգծելով, որ նույնիսկ ամենահզոր բանակը կարող է ջախջախիչ պարտություն կրել։

«Երբեմն աշխարհի ամենահզոր բանակը կարող է այնպիսի ապտակ ստանալ, որից հետո ոտքի չի կանգնի։ Նրանք անդադար խոսում են Իրանի ուղղությամբ նավ ուղարկելու մասին։ Իհարկե, նավատորմը վտանգավոր բան է, սակայն դրանից ավելի սարսափելի է այն զենքը, որը կարող է այդ նավը ուղարկել ծովի հատակը»,- Խամենեիի խոսքերը մեջբերում է նրա մամուլի ծառայությունը։

Նա նաև հայտարարել է, որ ԱՄՆ նախագահ Դոնալդ Թրամփին չի հաջողվի կործանել Իրանի Իսլամական Հանրապետությունը։