Հանրապետականի թեկնածուն պարտություն է կրել անկուսակցականից

Մայիսի 22-ին Արագածոտնի մարզի 6 գյուղերում անցկացվել են ընտրություններ` 5-ում` գյուղապետի, 1-ում` ավագանու:

Օհանավան գյուղում գերակշիռ ձայներով հաղթանակ է տարել անկուսակցական Ալեքսան Ալեքսանյանը` հաղթելով Հանրապետականի թեկնածու Նշան Միսակյանին: Ափնագյուղում եւ Արագածում եւս հաղթանակ են տարել անկուսակցական թեկնածուները: Մնացած համայնքներում հաղթել են հանրապետականները:

Ուշագրավ է, որ ընդամենը 164 ընտրող ունեցող Նորաշենում առաջադրվել է 5 թեկնածու, որոնցից 2-ը` հանրապետական: Ընտրությանն այստեղ մասնակցել է 161 հոգի:

Վերահաշվարկի դիմումներ են ներկայացվել Օհանավանում եւ Արագածի երկու տեղամասերում: