Իսրայելցի զինվորականները տարհանման կոչ են արել հարավային Լիբանանի բնակավայրերի բնակիչներին

Իսրայելի պաշտպանության բանակը նոյեմբերի 19-ին Լիբանանի հարավային մի քանի շրջանների բնակիչներին զգուշացրել են տարհանման անհրաժեշտության մասին։ Այս մասին հայտնում է Associated Press-ը։

Ընդգծվում է, որ այս կոչը հնչել է Իսրայելի և «Հեզբոլլահ» շարժման միջև լարվածության աճի խորապատկերում։

Գործակալությունը տեղեկացնում է, որ իսրայելցի զինվորականները երկու բնակավայրերի բնակիչներին հրահանգել են հեռանալ իրենց տներից՝ նշելով, որ դրանք գտնվում են «Հեզբոլլահ»-ի օբյեկտների մոտ։

Վերջին օրերին Իսրայելը ակտիվացրել է Լիբանանի վրա իր հարձակումները։ Նոյեմբերի 19-ին Լիբանանի առողջապահության նախարարությունը հայտնել էր, որ երկրի հարավում մեքենայի վրա Իսրայելի գործած հարձակման հետևանքով 1 մարդ զոհվել է, ևս 11-ը՝ վիրավորվել։ Լիբանանի հարավում պաղեստինյան փախստականների Այն էլ-Հիլվա ճամբարի վրա նախօրեին իսրայելցիների ձեռնարկած գրոհի արդյունքում զոհվել էր 13 մարդ։

2024 թվականի նոյեմբերին Իսրայելը և «Հեզբոլլահ»-ը կնքել էին հրադադարի համաձայնագիր, որի համաձայն՝ իսրայելական բանակը պահպանել է «Հեզբոլլահ»-ի մարտիկներին հարվածելու իրավունքը, եթե համարի, որ նրանք սպառնալիք են երկրի ազգային անվտանգության համար։