Թուրք զինվորականները կրակ են բացել սիրիական բնակավայրերի ուղղությամբ

Թուրքական բանակի հրետանին կրակ է բացել Ռաքքա նահանգի Այն Իսա քաղաքի մատույցների և Ալ Հասաքե նահանգի Ռաս ալ Այնից դեպի արևելք գտնվող բնակավայրերի վրա. հայտնում է սիրիական SANA պետական գործակալությունը:

«Տեղական աղբյուրները հայտնում են Թուրքիայի ծանր հրետանու և նրա վերահսկողության տակ գտնվող ավազակային կազմավորումների աշխատանքի մասին Այն Իսայի մատույցներում»,- գրում է գործակալությունը:

Գործակալության տվյալներով՝ մի քանի բնակավայրերի բնակելի տարածքներ հրետանային կրակի են ենթարկվել:

Ավելի վաղ Սիրիայում պատերազմող կողմերի հաշտեցման ռուսական կենտրոնի ղեկավարի տեղակալ, փոխծովակալ Վյաչեսլավ Սիտնիկը հայտարարել էր, որ M4 մայրուղու Թել Թամեր - Այն Իսսա հատվածում Ռուսաստանի ռազմական ոստիկանության կողմից իրավիճակի սրման պատճառով քաղաքացիական մեքենաների շարժը դադարեցվել է: