Մահացել է Վիրահայոց թեմի Տեր Եղիշե ավագ քահանա Հարությունյանը

86 տարեկան հասակում մահացել է Վիրահայոց թեմի հոգևոր սպասավոր Տեր Եղիշե ավագ քահանա Հարությունյանը, հայտնել է Վիրահայոց Թեմը: Այս մասին հայտնում է aliq.ge-ն։

«Վիրահայոց թեմի առաջնորդ Գերաշնորհ Տեր Կիրակոս եպիսկոպոս Դավթյանը, Թեմի հոգևոր դասը, աշխատակազմը և բազում հավատացյալներ ցավակցություն են հայտնում հանգուցյալի ընտանիքին, հարազատներին և աղոթում առ Աստված` Իր երկնային լույսին արժանացնելու ննջեցյալի հոգին»,- նշված է հաղորդագրության մեջ:

Տեր Եղիշե ավագ քահանա Հարությունյանի դին ուրբաթ օրը կտեղափոխվի Թբիլիսիի Սուրբ Գևորգ առաջնորդանիստ եկեղեցի, և եկեղեցու կարգը կկատարվի այնտեղ:

Հաղորդագրության համաձայն՝ հոգեհանգիստը կկայանա սեպտեմբերի 26-ին, ուրբաթ օրը, ժամը 17:00-ին, վերջին օծումը և թաղման կարգը՝ սեպտեմբերի 27-ին, հընթացս Սբ. Պատարագի` ժամը 11:00-ին, հուղարկավորությունը՝ ժամը 14-00-ին Սուրբ Գևորգ առաջնորդանիստ եկեղեցուց դեպի Դամպալոյի գերեզմանոց: