Պուտինի և Թրամփի բանակցությունները կարող են տևել առնվազն 6-7 ժամ. Պեսկով

Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի բանակցությունները կարող են տևել առնվազն 6-7 ժամ։ Այս մասին ասել է Ռուսաստանի առաջնորդի մամուլի քարտուղար Դմիտրի Պեսկովը։

«Սկզբում պետք է առանձնազրույց լիներ, բայց հիմա ստացվում է` մասնակցելու են նաև օգնականները», - ասել է Պեսկովը Առաջին ալիքին տված հարցազրույցում։

Պեսկովի խոսքով` ռուսական կողմն ակնկալում է, որ Ալյասկայում կայանալիք հանդիպումն արդյունավետ կլինի։

Հիշեցնենք` ԱՄՆ-ի և Ռուսաստանի նախագահները հանդիպելու են օգոստոսի 15-ին Ալյասկայի Էլմենդորֆ-Ռիչարդսոն ռազմաբազայում: Բանակցությունները կսկսվեն տեղական ժամանակով 11: 30-ին (Երևանի ժամանակով 23:30-ին):