Ուկրաինական եւ ռուսական պատվիրակությունների մարտի 21-ի բանակցությունները մեկուկես ժամ են տեւել

Ուկրաինական եւ ռուսական պատվիրակությունների մարտի 21-ի բանակցությունները մեկուկես ժամ են տեւել։ Այս մասին հայտարարել է ուկրաինական պատվիրակության անդամ, «Ժողովրդի ծառա» խմբակցության նախագահ Դավիթ Արախամիան, հայտնում է «Ուկրաինսկա պրավդան»։

«Հանդիպումն (առցանց) արդեն եղել է։ Ժամը 10:30-ից մինչեւ 12-ը պաշտոնական պատվիրակություններն էին։ Այնուհետեւ կրկին եկան աշխատանքային խմբերը։ Այսօր ամբողջ օրն աշխատում ենք»,- ասել է նա։ Արախամիան բանակցությունների ընթացքի մասին հավելյալ տեղեկատվություն առայժմ չի տրամադրել։

Հիշեցնենք, որ Ուկրաինայի եւ Ռուսաստանի պատվիրակությունների միջեւ խաղաղության որոնման շուրջ բանակցությունների չորրորդ փուլը մարտի 14-ին էր կայացել։