ՀՕՊ-ը գիշերը 15 անօդաչու է խոցել Կուրսկի մարզում և Ազովի ծովի վրա. ՌԴ ՊՆ

ՀՕՊ միջոցները հունիսի 30-ի գիշերը ուկրաինական 15 անօդաչու են ոչնչացրել, հայտնում է ՌԴ ՊՆ-ն։

«Հունիսի 30-ի գիշերը ՀՕՊ հերթապահ միջոցները ինքնաթիռատիպ 15 ուկրաինական անօդաչու են ոչնչացրել. տասը՝ Կուրսկի մարզի տարածքի վրա և հինգը՝ Ազովի ծովի վրա», - ասվում է հաղորդագրության մեջ։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։