ՀՕՊ ուժերը գիշերը 25 ուկրաինական անօդաչու թռչող սարք են խոցել ՌԴ շրջանների վրա․ ՌԴ ՊՆ

Ռուսական ՀՕՊ-ի հերթապահ միջոցները գիշերը ոչնչացրել են 25 ուկրաինական անօդաչու թռչող սարք։ Այս մասին հայտնում է Ռուսաստանի պաշտպանական գերատեսչությունը:

Նշվում է, որ 14 անօդաչու թռչող սարք է ոչնչացվել Կրասնոդարի երկրամասի տարածքում, վեցը՝ Բրյանսկի մարզում, երեքը՝ Ղրիմում, երկուսը՝ Ռոստովի մարզում:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։