Ռուսական զորքն ազատագրել է Կուրսկի շրջանը

Ռուսական զորքերը ազատագրել են Կուրսկի մարզը։ Ռիա նովոստիի հաղորդմամբ, հայտնել է ՌԴ նախագահի մամուլի քարտուղար Դմիտրի Պեսկովը։

«Ռուսաստանի զինված ուժերի գլխավոր շտաբի պետ Վալերի Գերասիմովը Գերագույն գլխավոր հրամանատար Վլադիմիր Պուտինին զեկուցել է Կուրսկի մարզն ազատագրելու գործողության ավարտի մասին», - ասել է Կրեմլի խոսնակը։

Պուտինը շնորհավորել է անձնակազմին, բոլոր մարտիկներին և հրամանատարներին Կուրսկի մարզի տարածքի լիակատար ազատագրման կապակցությամբ։

«Կուրսկի սահմանային գոտում թշնամու լիակատար պարտությունը պայմաններ է ստեղծում Ռուսաստանի Դաշնության զինված ուժերի հետագա հաջող գործողությունների համար ռազմաճակատի այլ կարևոր հատվածներում»,- հայտարարել է Վլադիմիր Պուտինը։