ՌԴ զինուժն ազատագրել է Կուրսկի մարզի Օլեշնայա բնակավայրը․ ՌԴ ՊՆ

Ռուսական «Հյուսիս» զորախմբավորումն ազատագրել է Կուրսկի մարզի Օլեշնյա բնակավայրը։ Տեղեկությունը հայտնում է Ռուսաստանի պաշտպանության նախարարությունը։

Բացի այդ, հարված է հասցվել Կուրսկի մարզի Գորնալի շրջանում տանկային, մեքենայացված, դեսանտագրոհային բրիգադների, տարածքային պաշտպանության բրիգադի եւ Ուկրաինայի զինված ուժերի գրոհային գնդի կազմավորումներին:

Ավիացիան, անօդաչու թռչող սարքերը եւ հրետանին կենդանի ուժ եւ տեխնիկա են խոցել Սումիի մարզի Վոդոլագի, Կրովնոյե, Սադկի, Յունակովկա և Յաբլոնովկա բնակավայրերի շրջաններում:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։