Պուտինին զեկուցել են, որ Կուրսկի մարզի ազատագրման գործողությունը մտել է եզրափակիչ փուլ

«Հյուսիս» զորախմբավորման հրամանատարությունը ՌԴ նախագահ, գերագույն գլխավոր հրամանատար Վլադիմիր Պուտինին զեկուցել է, որ Կուրսկի մարզի ազատագրման գործողությունը մտել է եզրափակիչ փուլ։ Ինչպես տեղեկացնում է ՌԻԱ Նովոստին, այս մասին հայտնել է ՌԴ նախագահի մամուլի քարտուղար Դմիտրի Պեսկովը։

«Պուտինը Կուրսկի մարզի հրամանատարական կետերից մեկում լսել է «Հյուսիս» զորախմբավորման հրամանատարի, հրամանատարի տեղակալի զեկույցները, նրանք գերագույն գլխավոր հրամանատարին զեկուցել են գործողության ընթացքի մասին և հայտնել, որ Կուրսկի մարզը այնտեղ ներթափանցած զինյալներից ազատագրելու գործողությունը մտել է եզրափակիչ փուլ», - ասել է Պեսկովը։