Ագրարայինի ռեկտորը օրենքի արգելքով զբաղեցրել է նաև այլ պաշտոն

Yerkir.am-ը հետաքրքիր փաստեր է պարզել Հայաստանի ազգային ագրարային համալսարանի նախկին ռեկտոր Վարդան Ուռուտյանի վերաբերյալ, ով պաշտոնավարել է  2018-2023թթ.:

Պարզվել է, որ Ուռուտյանը, հանդիսանալով ագրարային համալսարանի ռեկտոր, 2022թ, ապրիլի 28-ին դարձել է ԱԿԲԱ բանկի խորհրդի անդամ:

Այս հանգամանքը չէր արժանանա Yerkir.am-ի ուշադրությանը, եթե խախտված չլիներ օրենքը:

Այսպես, «Կրթության մասին» ՀՀ օրենքի 40-րդ հոդվածը սահմանում է, որ  ռեկտորը չի կարող միաժամանակ կատարել վճարովի այլ աշխատանք, բացի գիտամանկավարժական և ստեղծագործական աշխատանքից: 

Իսկ «Բանկերի և բանկային գործունեության մասին» ՀՀ օրենքի 24-րդ հոդվածում հստակ ասվում է, որ բանկի խորհրդի անդամները վարձատրվում են: 

Կսպասենք նաև ԿԳՄՍ նախարար տիկին Ժաննայի և ԱԿԲԱ բանկի ղեկավարության պարզաբանումներին վերոնշյալ իրավախախտման վերաբերյալ: